شەرقىي تۈركىستان جۇمھۇرىيەتچىلەر پارتىيەسى
مۇستەقىللىق · قېرىنداشلىق · باراۋەرلىك
پارتىيە ھەققىدە
شەرقىي تۈركىستان جۇمھۇرىيەت پارتىيەسى، ۋەتەنداشلىرىمىزنىڭ ۋەتەن ئازادلىقىنى قولغا كەلتۈرۈشتىكى ئەڭ مۇھىم كۈچ ئىكەنلىكىنى ھەر قاچان ئېسىدە تۇتۇش بىلەن بىللە، ۋەتەنداشلىرىمىزغا، قەرەللىك ھالدا، پاكلىق، پىداكارلىق ۋە سەمىمىيلىك بىلەن خىزمەتلىرىدىن دوكلات بېرىدۇ.
شەرقىي تۈركىستان جۇمھۇرىيەت پارتىيەسىنىڭ سىياسى غايىسىدىكى مۇستەقىل شەرقىي تۈركىستان جۇمھۇرىيىتى- ب د ت غا ئەزا بولغان باشقا كۆپ سانلىق دۆلەتلەرگە ئوخشاشلا دۇنيا كىشىلىك ھوقۇق خىتابنامىسىنى، دۇنيانىڭ كۆپ خىللىقىنى، ئاز سانلىقلارنىڭ ھوقۇقىنى، باشقا دۆلەتلەرنىڭ مۇستەقىللىقى ۋە تاللىشىنى ھۆرمەت قىلىدىغان تېنچلىق سۆيەر بىر جۇمھۇرىيەت.
پارتىيە ئىچىدە، يېڭى ۋە ئىلغار كۈچلەرنىڭ قاتنىشىش ئاكتىپلىقىغا يول ئېچىپ، دىموكراتىيەنى ئەمەلگە ئاشۇرالىغاندىلا، ئاندىن بۇنى ۋەتىنىمىزگە ئېلىپ بارالايمىز ۋە خىتاينىڭ ساختا دىموكراتىيەسىگە قارشى كۈچ بولالايمىز. بىزنىڭ ئەركىــــن خەلقــــقە ئايلىنىــــشىمىزنى كاپالەتلەنــــدۈرۈدىغان ئەڭ بىرىنچى باسقۇچ بىزنىڭ ئىچكى قىسمىمىزدا دېمــــوكراتىيىنى ئەمىلىــــيەتكە ئايلاندۇرۇشىمىزدۇر.
پارتىيە بەلگىسى
ب د ت بايرىقىدىن ئۈلگە ئېلىنغان زەيتۇن شېخى — بىزنىڭ ب د ت غا ئەزا، ب د ت «كىشىلىك ھوقۇق ختابنامىسى» غا ھەقىقى ھۆرمەت قىلىدىغان، مۇستەقىل، تېنچلىقپەرۋەر دۆلەت قۇرۇش نىشانىمىزغا ۋەكىللىك قىلىدۇ.
ب د ت بايرىقىدىكى يەر شارىنىڭ ئورنىغا ئېلىنغان ۋەتىنىمىز خەرىتىسى، دۇنيانىڭ بىر پارچىسى بولۇش سۈپىتى بىلەن، ۋەتىنىمىزنىڭمۇ ب د ت «كىشىلىك ھوقۇق ختابنامىسى»نىڭ ئىزچىللىنىشىغا ھەقلىق ئىكەنلىكىگە ۋەكىللىك قىلىدۇ.
ئۈچ يۇلتۇز، بىرىنچى ئىككىنچى جۇمھۇرىيىتىمىزنىڭ دۆلەت گرىبىدىن مىراس بولۇش بىلەن يەنە تارىم، ئىلى، ئېرتىش ئۈچ دەريالىرىمىزغا، پارتىيەمىزنىڭ مۇستەقىللىق، قېرىنداشلىق، باراۋەرلىك قىممەت قارىشىمىزغا سىمىۋوللۇق قىلىدۇ
نەشرىيات
2020
شەرقىي تۈركىستان جۇمھۇرىيەتچىلەر پارتىيەسىنىڭ كاتىپى نەجمىدىن شىرىف «تىبەت ۋە شەرقىي تۈركىستاننىڭ مۇستەقىللىقى ھىندىستانغا پايدىلىق» دېدى
تولۇق ماقالىنى ئوقۇش ←پارتىيەن قۇرغۇچىسى نەجمىدىن قارلۇق ھىندىستاندىكى ئېنگلىزچە چىقىدىغان تەسىرى كۈچلۈك «يەكشەنبىلىك مۇھاپىزەتچى» گېزىتىنىڭ ستون يازغۇچىسى Abhinandan Mishra نىڭ ئېمايىل زىيارىتنى قوبۇل قىلدى. جاۋاپلار باش بەتتە ئېلان قىلىنىپ، گېزىتنىڭ ئىككىنچى بېتىگە بېسىلدى.
پۈتۈن ئۇيغۇر خەلقى تامامەن مۇستەقىل بىر دۆلەتتە ياشاشنى ئارزۇ قىلىدۇ. شەرقىي تۈركىستان جۇمھۇرىيەتچىلەر پارتىيەسى ، ئۇيغۇرلارنىڭ مۇستەقىللىق ئارزۇسىغا ۋەكىللىك قىلىدىغان، شەرقىي تۈركىستاننى ب د ت غا ئەزا بىر مۇستەقىل جۇمھۇرىيەتكە ئايلاندۇرۇش، ۋە پۈتۈن خەلقنى سىياسەتكە قاتنشىشقا سەپەرۋەر قىلىش تەشەببۇسىدىكى، مۇھاجىرەتتىكى ئۇيغۇرلارنىڭ تۇنجى سىياسىي پارتىيەسى.
«2020 ئۇيغۇر كىشىلىك ھوقۇق سىياسىتى قانۇنى »، ئامېرىكا ۋە خىتايغا ئوخشاش دۇنيانىڭ ئەڭ كۈچلۈك ئىككى ئىقتىسادى گەۋدىسى ئارىسىدىكى مەسىلە بولغانلىقتىن، ئۇيغۇرلارغا قارىتىلغان ئىرقىي قىرغىنچىلىق مەسىلىسىنىڭ رايون ۋە بىر مىللەتنىڭ مەسىلىسى بولۇشتىن ھالقىغانلىقىنى، بۇ ئىرقىي قىرغىنچلىقنىڭ ئۇيغۇرلارغىلا مۇناسىۋەتلىك بولۇپ قالماستىن، يەنە رايون ۋە خەلقئارا خەۋپسىزلىكىگە، دۇنيانىڭ كۈچ تەڭپۇڭلىقىغا تەسىر كۆرسىتىدىغان، خەلقئارا ۋەزىيەتنىڭ يېڭى بۇرۇلۇش نۇقتىسىدا تۇرۇۋاتقانلىقىنى كۆرسىتىپ بېرىدۇ.
خىتاينىڭ ئامېرىكا بىلەن رىقابەتكە كىرىشى، ھىندىستان ئۈچۈن پۇرسەت بولۇپلا قالماي، ھىندىستاننىڭ دۇنيادىكى دىموكراتىك كۈچلەر قاتارىدا ، دۇنيانىڭ دىموكراتىك قىممەت قارىشىنى ساقلاشقا قاتنىشىشى ئۈچۈن بىر پۇرسەت.
دۇنيا كىشىلىك ھوقۇق ئەھدىنامىسى ئىمزالانغىلى 70 يىلدىن ئاشقان تۇرۇغلۇق ، ب د ت دائىمى خەۋپسىزلىك كېڭىشىنىڭ ئەزاسى بولغان خىتاينىڭ ئۆزى بېسىۋالغان تىبەت ۋە شەقىي تۈركستاندىكى بىگۇناھ خەلققە ئىرقىي قىرغىنچىلىق يۈرگۈزۈشى، دۇنيانىڭ ۋىجدانى ۋە قانۇنى ئادالەت سېستىمىسىغا جەڭ ئېلان قىلىش ھىسابلىنىدۇ.
قىممەت قاراشلىرىمىز
شەرقىي تۈركىستان مۇستەقىللىقىنىڭ ئاممىۋى ئاساسىنى، مۇستەقىللىق ئۈچۈن سېستىمىلىق كۈرەش قىلالايدىغان كۈچلۈك ۋەتەنپەرۋەرلەر قوشۇنىنى بارلىققا كەلتۈرۈش
مۇستەقىللىق پارتىيەمىزنىڭ ئەڭ تۈپ مىزانى.
قېرىنداشلىق ۋە باراۋەرلىك پارتىيەمىزنىڭ قىممەت قارىشى.
سىغدۇرۇشچان سىياسىي قۇرۇلما بەرپا قىلالمىغان مىللەت، بىرلىكنى ئەمەلگە ئاشۇرالمايدۇ. بىرلىكنى ئەمەلگە ئاشۇرالمىغان توپلۇم چوقۇم مەغلۇپ بولىدۇ.
